Maqtal e Imam Hussain Lyrics Mir Hasan Mir Noha 2019

Title: Maqtal e Imam Hussain
Category: Noha
Reciter: Mir Hasan Mir
Year: 2019

Maqtal e Imam Hussain Lyrics Complete

Ghareeb E Zahra Ki Ghurbat Suno Ay Ahl E Aza
Ghareeb E Zahra Ki Ghurbat Suno Ay Ahl E Aza

Akela Reh Gya Maqtal Mein Jab Mera Maola

Sipah E Sham Ny Charon Taraf Sy Ghair Liya
Lab E Furaat Tha Har Aik Khoon Ka Pyaasa


Tha Ghul Charagh E Imamat Abhi Bujha Na Hai
Ary Zameen Py Zeen Sy Shabbir Ko Girana Hai


Alam Mery Murshad Ghazi Ka Noha Lyrics
Yeh Sun K Sang Kisi Ny Jabeen Par Mara
Kisi Ny Pehloo Mein Barchi Ka Phal Utar Diya

Ary Kisi Ny Samny Aa Kar Chalai Taigh E Jafa
Ghareeb E Zahra Ka Zeen Par Sambhalna Mushkil Tha

Ali O Zahra Ko Rann Mein Rulaya Jata Tha
Ary Hussain Girty Nahi Thy, Giraya Jata Tha

Haye
Laga Jo Teer To Sheh Ny Yad Kiya
Pukara Ghazi Ko Jis Waqt Sar Py Gurz Laga

Lagi Jo Barchi To Akbar Ko Di Tarhap Ky Sada
Tamancha Khooni Ny Maara To Boly Ya Zahra


Zainab ka Jo Abbas Tha Lashkar Ky barabar Noha Lyrics
Ali Ko Yaad Kiya Sar Py Zurb Chalty Huye
Hasan Ko Yaad Kiya Munh Sy Khoon Ugalty Huye

Haye

Zammen Py Zeen Sy Hazrat Jo Munh K Ball Aye
Jo Teer Seeny Py Thy Pusht Sy Nikal Aye

Nikal K Pehloo Sy Sab Barchion K Phal Aye
Qaraar Kis Tarah Ab Sheh Ko Aik Pal Aaye

Ary Rakaaben Pairon Sy Ibn E Ali Ki Choot Gaiin
Tamam Paslian Sibt E Nabi Ki Toot Gaiin

Raqam Kiya Hai Yeh
Raqam Kiya Hai Yeh Raawi Ny Dard Ka Yeh Manzar
K Chalny Wala Tha Jis Dam Hussain Par Khanjar

Ary Behn Sy Agy Kharhi Thi Hussain Ki Dukhtar
Kaha Yeh Shimr Sy Us Dam Ghareeb Ny Ro Kar

Meri Sakina,
Meri Sakina Kahin Dumm Na Torh Dy Zaalim
Tu Rehm Kar Mery Baalon Ko Chorh Dy Zaalim

Haye
Parha Tha Dasht Mein Bay Jaan Batool Ka Beta
Hussain Zinda Hain Kya, Shimr Sy Kisi Ny Kaha
Qareeb Ja K Yeh Di Shimr Ny Phr Hans K Sada
Ary Wo Dekho Aa Gai Maqtal Mein Saaniye Zahra

Yeh Sunty Hi Shah E Dilgeer Uth K Beth Gaye
Behn K Naam Py Shabbir Uth K Beth Gaye

Haye Hussain
Yeh Keh K Agy Barha Hath Mein Liye Khanjar
Udhar Tarhapny Lagi Aik Laash Dariya Par
Idhar Khayaam Sy Nikli Batool Ki Dukhtar
Ajeeb Bay Adabi Shimr Ny Yeh Ki Aa Kar

Ary Zara Si Bhi Na Murawat Dikhai Zaalim Ny
Kalam E Paak Ko Thokar Lagai Zaalim Ny

Haye
Ajab Tarha Sy Sitam Gar Yeh Kar Raha Tha Sitam
Kabhi Hussain Ki Zulfon Mein Hath Thy Baaham
Pakarh K Reesh E Mubarak, Kabhi Hansa Zaalma
Hataya Baalon Ko Khanjar Sy Shimr Ny Ik Dam

Kahan Hussain Ny Dekho Zara Ali Akbar
Ary Laeen Ny Rakh Diya Zaanoo Hamary Seeny Par
Haye Chali Jo Zarb, Farishton Ny Munh Ko Phair Liya
Farishty Kya Thy K Nabiyon Ny Munh Ko Phair Liya

Ary Haty Nabi To Rasoolon Ny Munh Ko Phair Liya
Chaly Rasool To Walion Ny Munh Ko Phair Liya

Hasan , Rasool, Ali Boly Ab Khuda Janay
Hussain Janay, Gala Jany, Fatima Janay

Haye
Ab Is K Agy Takallum Bayan Kya Ho Ga
Lagi Jo Zarben, Na Nikla Lahoo Ka Ik Qatra
Laeen Ghaiz Mein Aa Kar Sadaa Yeh Deny Laga
Hussain Jaldi Bata, Mojza Yeh Hai Kaisa

Kaha Ghareeb Ny Tu Pyar Maan Ka Kya Janay
Galy Py Mery Gala Rakh Diya Hai Zahra Ny
Kaha Hussain Ny, Amman Hataa Len Apna Gala
Mazeed Ap Hon Zakhmi, Yeh Ho Nahi Sakta

Galy Py Shah K Khanjar Laeen Ka Jo Chala
Sadaaen Aati Thiin Subhana Rabbi Al Aala

Pisar Ka Khoon Baha Syeda Ki Godi Mein
Sar E Hussain Kata Fatima Ki Godi Mein