Hum Hongey Kahin Lyrics Nadeem Sarwar Noha 2006

 Urdu Noha Hum Hongey Kahin Lyrics in English and Urdu recited by Nadeem Sarwar in 2006. Find out more noha lyrics by Nadeem Sarwar similar to lyrics of Hum Hongey Kahin on Khairilamal.

Hum Hongey Kahin Lyrics in English

Sheh Kehty Thy Bibi Hamen Ab Jany Do Ghar Sy

Woh Kehti Thi Saya Jo Yeh Uth Jaye Ga Sar Sy

Haye Haye Main Tumhen Dhund Ky Laun Gi Kidhar Sy

Sheh Kehty Thy Maqtal Hi Mein Pao Gi Sakina

Hum Hongey Kahin Tum Kahin Jao Gi Sakina

Dhundo Gi To Phir Hum Ko Na Pao Gi Sakina

Hum Hongey Kahin Tum Kahin Jao Gi Sakina

Jab Umr Thi Kam Ham Bhi Chuty Thy Maan Sy

Soty Thy Lipat Kar Yun Hi Khatoon E Jinaan Sy

Kooch Un Ka Hua Samny Aankhon Ky Jahan Sy

Sadmy Yehi Ab Tum Bhi Uthao Gi Sakina

Hum Hongey Kahin Tum Kahin Jao Gi Sakina

Jangal Mein Bahot Qaafly Lut Jaty Hain Bibi

Barson Jo Rahen Sath Woh Chut Jaty Hain Bibi

Hasrat Sy Yeh Dum Seenon Mein Ghut Jaty Hain Bibi

Chut Jao Gi Baba Ko Na Pao Gi Sakina

Hum Hongey Kahin Tum Kahin Jao Gi Sakina

Din Hijr Ky Aa Pahunchy, Gaye Wasl Ky Ayyam

Likha Tha Bahot Kam Teri Taqdeer Mein Aram

Dikhlaye Gi Yeh Subho Yateemi Ki Tumhen Sham

Kis Tarha Sy Yeh Dagh Uthao Gi Sakina

Hum Hongey Kahin Tum Kahin Jao Gi Sakina

Yun Kehny Lagi Seeny Py Munh Rakh Ky Woh Nadaan

Kehty Hain Yateemi Ki Sy Main Ap Ky Qurban

Hazrat Ny Kaha Sakht Museebat Hai Meri Jaan

Chain Aisi Aziyat Mein Na Pao Gi Sakina

Hum Hongey Kahin Tum Kahin Jao Gi Sakina

Ab Aya Samajh Mein Yeh Sukhan Honton Py Lana

Kiun Kehty Thy Zainab Isy Chaati Py Sulana

Ary Bano Mery Peechy Na Sakina Ko Rulana

Dill Kehta Tha Baba Ko Na Pao Gi Sakina

Hum Hongey Kahin Tum Kahin Jao Gi Sakina

Khamosh Anees Ab Ky Jigar Chak Hai Gham Sy

Behta Hai Lahu Ashk Ki Jaa Deeda E Nam Sy

Doori E Ziyarat Nahi Sahi Jati Hum Sy

Kya Rozy Py Apny Na Bulao Gi Sakina

Hum Hongey Kahin Tum Kahin Jao Gi Sakina